बैङ्कक (थाइल्याण्ड) । दक्षिणी थाइल्याण्डको समुई द्वीपमा अवस्थित एक बारमा शुक्रबार भएको गोलीकाण्डमा क्रममा दुई व्यक्तिको मृत्यु हुनुका साथै अन्य सात जना घाइते भएका छन् ।
स्थानीय समयानुसार शुक्रबार बिहान २ बजे गोलीकाण्ड सुरु भएको स्थानीय सञ्चार माध्यमले जनाएका छन् । आफ्नो कार्यालय समय सकिएपछि बारमा मादकपदार्थ सेवन गर्न गएका प्रहरीको टोली र बारका साझेदार युवाकाबीचमा झगडा भएपछि सो घटना भएको जनाइएको छ ।
स्थानीय पत्रिका थाइरथलका अनुसार सो झडपमा छ-सात राउण्ड गोली चलेको थियो । एउटा सुरक्षा गार्डलाई गोली लागेर तत्काल मृत्यु भएको थियो, भने अर्का एक जना प्रहरी अधिकृतको उपचारको क्रममा अस्पतालमा मृत्यु भएको थियो ।
बैङ्कक पोष्टका अनुसार सिसिटिभीको दृश्यमा एक जना प्रहरीले जथाभावीरुपमा गोली चलाएको थियो । हत्याको अभियोगमा ती प्रहरीलाई नियन्त्रणमा लिइएको छ । उसले हत्या प्रयास गरेको र सार्वजनिक ठाउँमा अतियार प्रयोग गरेको तथा होहल्ला गरेको आरोप लगाइएको छ ।
यस घटनाको अनुसन्धान जारी रहेकाले विस्तृत विवरण आउन बाँकी नै रहेको छ । समुई द्वीप थाइल्याण्डको प्रख्यात पर्यटकीयस्थल हो । रासस÷सिन्ह्वा
