-
-
-
-
काठमाडौं । राष्ट्रपति निर्वाचन कार्यक्रमअन्तर्गत आज मतदाता नामावलीमा समावेश नाममा दाबी विरोध र उजुरीमाथि छानबिन गरेर अन्तिम नामावली प्रकाशन गरिँदै छ ।
२५ फागुनमा हुने राष्ट्रपति र ३ चैतमा हुने उपराष्ट्रपति निर्वाचनका प्रकाशित मतदाता नामावलीमाथि परेका दावी विरोध र उजुरीमाथि छानबिन गरेर अन्तिम नामावली प्रकाशित गर्ने निर्वाचन आयोगले जनाएको छ ।
शुक्रबार मध्यान्हसम्म दाबी विरोध र उजुरीमाथि छानबिन गर्ने र दिउँसो ३ देखि ४ बजेभित्र अन्तिम मतदाता नामावली प्रकाशन गर्ने कार्यक्रम छ ।
यसैगरी १३ फागुन अर्थात् शनिबार मनोनयन दर्ताको समय तोकिएको छ । राष्ट्रपतिका लागि २५ फागुनमा बिहान १० बजेदेखि ३ बजेसम्म मतदान हुनेछ ।
