-
-
-
-
काठमाडौं । जनता समाजवादी पार्टी जसपा नेपालकी सांसद सहनाज रहमानको निधन भएको छ । उनको हृृदयघातका कारण मृत्यु भएको छ । जसपा सांसद प्रदीप यादवका अनुसार पार्टीको उपत्यकामा बस्नेहरुलाई समेटेर बनाइएको भ्रातृ संस्था गैर भौगोलिक एकाइले आयोजना गरेको पिकनिकमा भक्तपुर गएकी सांसद रहमान खाना खाए लगत्तै ढलेकी थिइन् ।
उनलाई तत्काल मध्यपुर अस्पताल पुर्याएको केही बेरमा चिकित्सकले मृत घोषित गरेका थिए । झापाकी सांसद रहमान जसपाकी समानुपातिक सांसद थिइन् ।
यादवले सामाजिक संजालमा लेखेका छन्–
हार्दिक श्रद्धांजलि
जनता समाजवादी पार्टी की प्रतिनिधी सभा सदस्य माननीय सहनाज रहमानज्यु को असामयिक निधनको खबरले स्तब्ध बनाएको छ । उॅंहाको निधनले पार्टी तथा आम मतदातालाई अपुरणीय छती पुगेको छ । मृत आत्माको चिर शान्तीको कामना गर्दै शोकाकुल परिवार प्रति धैर्य धारन गर्ने क्षमता ईश्वरले प्रदान गरुन् । उॅंहा प्रती हार्दिक श्रद्दासुमन अर्पण गर्दछु ।
