-
-
-
-
काठमाडौं । फ्रेन्च लिग वान क्लब पेरिस सेन्ट जर्मेन (पीएसजी) का डिफेन्डर अच्राफ हाकिमीमाथि बलात्कारको आरोप लागेको छ । मोरक्कोका डिफेन्डरमाथि २४ वर्षीया महिलालाई बलात्कार गरेको आरोप लागेको छ ।
पीडित महिलाले आफूमाथि फेब्रुअरी २५ तारिखमा हाकिमीले घरमै आफस्लाई बलात्कार गरेको आरोप लगाएकी छिन् । उनले गत आइतबार प्रहरी चौकीमा घटनाबारे जानकारी गराए पनि आरोप दर्ता नगरेको प्रहरी स्रोतले बताएको बीबीसीले उल्लेख गरेको छ ।
आरोप दर्ता नगरे पनि प्रहरीले हाकिमीलाई लागेको आरोपमाथि प्रारम्भिक अनुसन्धान थालेको जनाइएको छ । अहिलेसम्म यसबारेमा हाकिमीले केही बोलेका छैनन् ।
त्यस्तै पीएसजीले पनि कुनै जानकारी दिएको छैन ।
