-
-
-
-
काठमाडौं । बलिउड अभिनेता शाहरुख खानको घरमा दुई अपरिचित व्यक्ति प्रवेश गरेका छन् । बिहीबार राति करिब ९.३० बजे मुम्बईको बान्द्रामा रहेको शाहरुखको घर मन्नतमा दुई अपरिचित व्यक्ति प्रवेश गरेका हुन् ।
सुरतका दुई जना बासिन्दा सुरक्षा गार्डलाई झुकाउँदै पर्खालबाट हाम फालेर घरभित्र पसेका थिए । सो समय शाहरुख घरमा थिएनन्। दुवै व्यक्ति शाहरुखको घरको तेस्रो तल्लामा पुगेका थिए । सुरक्षाकर्मीले उनीहरुलाई देखेपछि समातेर मुम्बई प्रहरीको जिम्मा लगाइएका थिए ।
दुवैमाथि मुद्दा दर्ता गरिएको छ। पक्राउ परेका दुवै युवाको उमेर २१ देखि २५ वर्षबीच रहेको समाचारमा जनाइएको छ । प्रहरीको सोधपुछमा दुबै जना गुजरातका बासिन्दा रहेको र शाहरुखका फ्यान भएको खुलेको छ । उनीहरू शाहरुखलाई भेट्न गुजरातबाट मुम्बई आएका थिए ।
