एक सय असी रनको चुनौती पछ्याएको नेपालको खराव शुरुआत, पहिलो बलमै विकेट गुमायो

हाम्रा कुरा

प्रकाशित २०७९ फागुन १९ शुक्रबार

काठमाडौं । आईसीसी विश्वकप क्रिकेट लिग–२ अन्तर्गत अहिले नेपाल र पपुवा न्यूगिन िभिडिरहेका छन् । जितका लागि नेपालले १८० रनको झिनो चुनौती पछ्याउँदैछ ।

यूएईको दुबई अन्तर्राष्ट्रिय क्रिकेट रंगशालामा टस जितेर पहिले ब्याटिङ गरेको पीएनजी चार बल बाँकी रहँदा नै अलआउट हुँदै १७९ रनमा समेटियो । पीएनजीका टोनी उराले सर्वाधिक ३९ रन बनाए ।

नेपालका सोमपाल कामी र दीपेन्द्रसिंह ऐरीले समान २–२ तथा करण केसी, कुशल मल्ल र सन्दीप लामिछानेले १–१ विकेट लिए ।

जवाफमा मैदानमा उत्रिएको नेपालले खराव शुरुआत गरेको छ । नेपालले पहिलो बलमै कुशल भुर्तेललाई गुमाएको छ । विश्वकप छनोट र एक दिवसीय वरियता जिवितै राख्न नेपाललाई यो खेल जित्नैपर्ने दबाब छ ।

सात टोली सहभागी प्रतियोगितामा नेपाल छैटौं स्थानमा छ ।