जी२०मा अमिताभ कान्तले भने : भारतले महिलाहरू बिना विकास हासिल गर्न सक्दैन

एजेन्सी,

प्रकाशित २०७९ फागुन २३ मंगलबार

नयाँ दिल्ली। सयौँ महिला उद्यमी र व्यवसायी नेताहरू नयाँ दिल्लीको इण्डिया ह्याबिट्याट सेन्टरमा योर स्टोरी सी स्पार्क्सको पहिलो संस्करणमा भारतका जी२० शेर्पा अमिताभ कान्तले महिलाहरूको भूमिकाको प्रशंसा गरे।

भारतको आर्थिक र प्रविधि विकास कथाहरूमा महिलाहरूको भूमिका निकै ठूलो रहेको बताए। 'महिला उद्यमीहरू आफ्ना पुरुष समकक्षहरूलाई भन्दा बढी रहेको हलमा हुन पाउँदा 'खुसी' छु। भारतले साँच्चै दिगो विकास देख्ने हो भने महिलाको शक्तिको फाइदा उठाउनु पर्ने आवश्यकतामा जोड दिए।'

उनले पछिल्लो समय उद्यमशील र शिक्षित महिलाहरूको सङ्ख्यामा वृद्धि भएको उल्लेख गर्दै आर्थिक वृद्धिका लागि उनीहरू बिना विकास हासिल गर्न नसकिने बताए।

'यदि भारतले तीन दशक वा सोभन्दा बढी वर्षमा वार्षिक ९ देखि १० प्रतिशतको उच्च दरमा वृद्धि गर्नुपर्छ भने, महिला बिना सम्भव छैन,' उनले भने, 'भारतको जी२० प्राथमिकताहरू मध्ये एक महिला नेतृत्वको विकास हो - र यसको मतलब महिलाहरू मात्र लाभार्थी होइन, तर विकास र प्रगतिमा वृद्धि चालक र नेताहरू हुनुपर्छ।'

भारतको जी२० अध्यक्षता र शिखर सम्मेलनमा सेट गरिएको एजेन्डाको बारेमा विस्तार गर्दै अमिताभले विकासको गति, दिगो विकास, दिगो विकास लक्ष्यहरू, जलवायु कार्य, र डिजिटल रूपान्तरण, यस वर्ष समूहका केही प्रमुख प्राथमिकताहरू भएको बताए।

अमिताभले वित्तीय समावेशीकरण र डिजिटल फाइनान्स मार्फत महिला सशक्तीकरणमा सरकारको भूमिकाको बारेमा पनि कुरा गरे। 'प्रधानमन्त्री जन धन योजना मार्फत हामीले सन् २०१५ मा बैङ्क खाता खोल्न थाल्यौँ र भारतले सन् २०१५ देखि २०१७ सम्म करिब ४८ करोड बैङ्क खाता खोलेका थियौँ। त्यस अवधिमा विश्वमा खोलिएका बैङ्क खातामध्ये ५५ प्रतिशत भारतका थिए। आज झण्डै ८० प्रतिशत महिलाको बैङ्क खाता छ र त्यो सबै टियर २ र ३ सहरमा भएको छ,’ उनले भने।