रणवीर–श्रद्धाको ‘तु झुठी मै मक्कार’ ले उछिन्यो शाहरुखको पठानलाई

हाम्रा कुरा

प्रकाशित २०७९ फागुन २६ शुक्रबार

काठमाडौं । बलिउड चलचित्र ‘तु झुठी मै मक्कार’ ले शाहरुख खानको चलचित्र पठाउनलाई उछिनेको छ । रणवीर कपूर र श्रद्धा कपूर अभिनित तु झुठी मै मक्कारले ओपनिङ रेटिङमा पठानलाई उछिनेको हो ।

बलिउडकै अहिलेसम्मको सर्वाधिक कमाइ गरेको चलचित्र बनेको पठानको भन्दा पहिलो दिनमै कपूर जोडीको चलचित्र अगाडि लागेको हो ।

कपूर जोडीको फिल्मले पहिलो दिन बुधबार १५.७३ करोड भारु र दोस्रो दिन बिहीबार १०.३४ करोड भारु कमाएको छ ।

जबकि पठानले पहिलो दिनमै ७३ करोड भारु कमाएको थियो । तर आईएमडीबी रेटिङमा भने पठान भन्दा यो चलचित्र अगाडि देखियो । पठानले १० मा ६.४ रेटिङ पाएकामा तु झुठी मै मक्कारले ६.७ रेटिङ पाएको छ ।

बलिउडका समीक्षकबाट पनि यो फिल्मले पाँचमध्ये चार स्टार पाएको छ । यो फिल्ममा अनुभव सिंह बास्सी, डिम्पल कपाडिया र बोनी कपूर पनि रहेका छन् ।

लभ रञ्जनले निर्देशन गरेको यो फिल्म रोमान्टिक र कमेडी जेनराको हो ।