जसपाबाट उपराष्ट्रपतिमा प्रमिला र रामसहायको उम्मेदवारी

हाम्रा कुरा

प्रकाशित २०७९ फागुन २७ शनिबार

काठमाडौं । उपराष्ट्रपति निर्वाचनका लागि जनता समाजवादी पार्टी (जसपा) बाट दुई जनाको उम्मेदवारी परेको छ । जसपाबाट प्रमिलाकुमारी यादव र रामसहायप्रसाद यादवको उम्मेदवारी परेको हो ।

प्रमिलाको प्रस्तावकमा सांसदहरू रन्जु झा, मृगेन्द्रकुमार सिंह यादव, नवलकिशोर शाह, दीपक कार्की, राजकिशोर यादव र समर्थकमा अनिता देवकोटा, विमला सुवेदी, सीता गुरूङ, जयन्ती राई र मनिष सुमन रहेका छन् ।

त्यस्तै जसपाका संसदीय दलका नेतासमेत रहेका रामसहायको उम्मेदवारी प्रस्तावकका सांसदहरू अशोककुमार राई, प्रदीप यादव, किशान श्रेष्ठ, शक्ति बस्नेत, रमेशजंग रायमाझी छन् भने समर्थकमा रेखा यादव, अम्बिका काफ्ले, प्रकाश ज्वाला, खिमलाल देवकोटा, भानुभक्त जोशी रहेका छन् ।