जी२० को अध्यक्षतामा भारत भुटानसहित दक्षिण एसियाका लागि गौरवको विषय : भुटानी मन्त्री
हाम्रा कुरा
प्रकाशित २०७९ फागुन २८ आइतबार
626
Shares
काठमाडौं। भुटानका गृह तथा सांस्कृतिक मामिला मन्त्री उग्येन दोर्जीले भारतले जी-२०को अध्यक्षता गर्नु भुटानसहित सम्पूर्ण दक्षिण एसियाका लागि गर्वको विषय भएको बताएका छन् ।
पुणेमा चौथो वाई-२० परामर्श बैठकको पूर्वसन्ध्यामा सांस्कृतिक साँझको उद्घाटन गर्दै भुटानीमन्त्रीले यस्तो टिप्पणी गरेका हुन्। वाई-२० सबै जी-२० सदस्य देशहरूका युवाहरूको लागि विभिन्न मुद्दाहरूमा वार्तालाप गर्ने फोरम हो।
भुटान लाइभका अनुसार भारतले जी-२० को अध्यक्षता गर्दा विकासोन्मुख देशहरूका महत्त्वपूर्ण एजेन्डाहरू अघि धकेलिने छन्। खासगरी अन्तर्राष्ट्रिय संस्थाहरूको सुधार, स्वास्थ्य, शिक्षा, लैङ्गिक, जलवायु र वातावरणमा ध्यान दिनु पर्ने विषयहरू हुन्।
भारतको विदेश नीतिले सधैं आफ्नो छिमेकी पहिलो नीतिलाई हाइलाइट गरेको हुनाले यसले यस क्षेत्रको बृहत्तर हितलाई ध्यानमा राखेर एजेन्डाहरू अगाडि बढाउन जी-२० अध्यक्षको अधिकतम उपयोग गर्नेछ।
द भुटान लाइभका अनुसार भारत र भुटानबीच विशेष द्विपक्षीय सम्बन्ध छ। भुटानका लागि विदेशी सरकारहरूलाई अनुदान र ऋण अन्तर्गत भारतको परराष्ट्र मन्त्रालयका लागि छुट्याइएको बजेटको सबैभन्दा ठूलो हिस्सा छ।
बजेट योजना अन्तर्गत भुटानले २ हजार ४ सय ५८ करोड भारतीय रुपैयाँ प्राप्त गर्नेछ। जसमध्ये १ हजार ६ सय ३२ हजार करोड रुपैयाँ अनुदान र ७ सय ६८ करोड भारतीय रुपैयाँ ऋण रहनेछ।
भुटानले स्वास्थ्य, डिजिटाइजेसन र अन्य क्षेत्रका धेरै विकास परियोजनाका लागि भारतबाट आर्थिक सहयोग पाउनेछ।
भुटान शाही सरकार र भारत सरकार बीच १२ औं पञ्चवर्षीय योजना (एफवाईपी) को लागि पाँचौं भुटान(भारत साना विकास परियोजना (एसपीडी) र उच्च प्रभाव सामुदायिक विकास परियोजना (एचआईसीडीपी) समितिको बैठक फेब्रुअरी २८ मा थिम्पुमा सम्पन्न भएको थियो।
