काठमाडौं । एक दिवसीय मान्यतालाई सुरक्षित राखिसकेको नेपाली क्रिकेट टिम अब विश्वकपमा सिधै छनोट खेल्ने एकमात्र लक्ष्य लिएर मैदानमा उत्रिएको नेपालले राजधानीमा जारी आईसीसी विश्वकप लिग २ मा त्रिकोणात्मक एक दिवसीय क्रिकेट श्रृंखला अन्तर्गत अहिले नेपालले पपुवा न्युगिनी पीएनजीसँग खेलिरहेको छ ।
त्रिभुवन विश्वविद्यालयको कीर्तिपुर मैदानमा नेपालले पहिले फिल्डिङ गर्दै निरन्तर विकेट लिइरहेको छ । कसिलो बलिङ गरेको नेपाल सामु पीएनजीका खेलाडीहरु टिक्न सकिरहेका छैनन् । पीएनजीले ८२ रन जोड्दा ७ विकेट गुमायो ।
त्यस्तै ९४ रन जोड्दा नवौं विकेट गुमायो । कुशलले दोस्रो विकेट लिए ।
९५ रन जोडेर पीएनजीले अन्तिम विकेट पनि गुमायो । उक्त विकेट सन्दीपले लिए ।
नेपालका लागि सन्दीप लामिछानेले ५, ललितनारायण राजवंशी र कुशल मल्लले २ तथा सोमपाल कामीले १ विकेट लिएका छन् । नेपालले निरन्तर जितको यात्रालाई अगाडि बढाइरहँदा लगातार तेस्रो जित हासिल गरेको पीएनजीमाथि पनि आज जित निकाल्दै विश्वकप छनोट सिधै खेल्ने योजनामा हुनेछ ।
यसअघि हिजो भएको खेलमा यूएईमाथि १७७ रनको जित निकाल्दै नेपालले एक दिवसीय मान्यतालाई सुरक्षित गरेको थियो । अब पीएनजी र फेरि यूएईलाई हराउँदा नेपाल जिम्बावेमा हुने विश्वकप छनोट खेल्न पाउने छ ।
सात टोली सहभागी विश्वकप लिग २ बाट शीर्ष तीन टिमले विश्वकप छनोट सिधै खेल्न पाउँछन् । शीर्ष दुईमा रहेर लिग सकाएका च्याम्पियन स्कटल्याण्ड र उपविजेता ओमानपछि तेस्रो टोलीको टुंगो लाग्न बाँकी छ ।
नेपाल पराजित हुनासाथ ३९ अंकको नामिबियाले अवसर पाउने छ । तर नेपाल दुवै खेलमा विजयी हुँदा ४० अंकसहित नेपाल छनोट हुनेछ ।
अहिलेसम्म स्कटल्याण्ड ५० अंकसहित च्याम्पियन भइसकेको छ । ओमान ४४ अंकबाट दोस्रो स्थानमा छ । तेस्रो स्थानको नामिबियाको ३९ अंक छ । चौथो स्थानको नेपालको ३४ खेलबाट ३६ अंक छ । सबै खेल खेलेको अमेरिकाको ३५ अंक छ ।
३४ खेलबाट ३१ अंकको यूएई छैटौं स्थानमा छ । ३४ खेलबाट ११ अंकको पीएनजी पुछारमा छ ।
नेपाल बाँकी दुई खेल जितेमा ४० अंकसहित तेस्रो स्थानमा पुग्नेछ । यूएईले भने एक दिवसीय मान्यता जोगाउने सम्भावना कम भएको छ ।
सातमध्ये शीर्ष तीनमा रहने टिमले सिधै विश्वकप छनोट खेल्न पाउने छन् । शीर्ष पाँच टिमको एक दिवसीय वरियता कायम रहने छ । पुछारका दुई टिमले एक दिवसीय मान्यता गुमाउने छन् ।
अहिलेसम्म पीएनजीले एक दिवसीय मान्यता गुमाएको छ भने अमेरिका र यूएईमध्ये एक टिमले उक्त मान्यता गुमाउने छन् ।
बाँकी खेलहरु–
यूएई र पीएनजी बुधबार ।
नेपाल र यूएई बिहीबार ।
