मौलिक नेपाली फिल्मका प्रणेता निर्देशक प्रताप सुब्बा रहेनन्

हाम्रा कुरा

प्रकाशित २०७९ चैत २ बिहिबार

काठमाडौं । मौलिक नेपाली फिल्मका प्रणेता मानिने निर्देशक प्रताप सुब्बाको ७५ वर्षको उमेरमा निधन भएको छ । दार्जिलिङमा बस्दै आएका उनको अस्पतालमा उपचारको क्रममा बिहीबार बिहान निधन भएको हो ।

सन् १९४७ मा दार्जिलिङमा जन्मिएका सुब्बाले ७ वटा फिचर फिल्म, ६ वटा वृतचित्र, ५ वटा भिडियो फिल्म, १३ वटा टेलिफिल्म र ५ वटा नाटकको निर्माण तथा निर्देशन गरेका थिए ।

दार्जिलिङबाट ‘परालको आगो’ बनाएका प्रताप सुब्बाले ‘बाँच्ने चाहने’, ‘कहीँ अँध्यारो कहीँ उज्यालो’, ‘भीष्म प्रतिज्ञा’ जस्ता फिल्मको निर्देशन गरेका थिए ।
‘परालको आगो’ नेपालबाहिर बनेको पहिलो मौलिक फिल्म थियो ।