-
-
-
-
काठमाडौं । उपराष्ट्रपतिको निर्वाचनमा मतदान गर्न एक मन्त्री एम्बुलेन्समा गएका छन् । जनता समाजवादी पार्टी जसपाका सांसद मोहम्मद अब्दुल कलाम मतदान गर्न एम्बुलेन्सबाट गएका हुन् ।
जसपाका प्रदेश सांसद एवं मधेस प्रदेशका सामाजिक राज्यमन्त्रीसमेत रहेका कलाम खुट्टाको शल्यक्रिया गरेका कारण एम्बुलेन्सबाट भोट हाल्न गएका हुन् । रूखबाट लडेर खुट्टा भाँचिएपछि उनको ट्रमा सेन्टरमा बिहीबारमात्र शल्यक्रिया गरिएको थियो ।
उपराष्ट्रपतिमा जसपाबाट रामसहायप्रसाद यादव उम्मेदवार रहेका छन् । उनलाई सत्ता गठबन्धनकै ममता झाले टक्कर दिइरहेकी छिन् । त्यस्तै एमालेबाट अष्टलक्ष्मी शाक्य बोहरा उम्मेदवार छन् ।
