-
-
-
-
काठमाडौं । सलमान खानलाई लिएर बाबु सलिम खान चिन्तित छन् । लरेन्स बिश्नोई र गोल्डी ब्रारबाट धम्कीपूर्ण इमेल प्राप्त भएपछि सलिम खान छोरालाई लिएर रातभर निदाउन सकेका छैनन् ।
सलमान खानको घर रहेको ग्यालेक्सी अपार्टमेन्ट क्याम्पमा परिणत भएको छ । अपार्टमेन्ट बाहिर अस्थायी प्रहरी चौकी स्थापना गरिएको छ।
अब प्रहरीले यस प्रकरणमा ठूलो प्रमाण पाएको छ । धम्कीपूर्ण ईमेल बेलायतबाट सलमान खानलाई आएको जानकारी प्रहरीले पाएको छ ।
अहिलेसम्मको प्रहरीको अनुसन्धानबाट प्राप्त मेलसँग जोडिएको मोबाइल नम्बर बेलायतको भएको खुलेको छ ।
प्रहरीले अहिले उक्त नम्बर कसको नाममा हो र उनी बेलायतका बासिन्दा हुन् वा होइन भन्ने पत्ता लगाउने प्रयास गरिरहेको छ ।
