सरकारले मिटरब्याजलाई अपराध मान्ने गरी कानून संशोधन गर्ने
हाम्रा कुरा
प्रकाशित २०७९ चैत १४ मंगलबार
473
Shares
तस्बिर – फाइल ।
काठमाडौं । सरकारले मिटरब्याजलाई अपराध घोषणा गरेर मुलुकी अपराध संहितामा संशोधन गर्ने निर्णय गरेको छ । मंगलबार बसेको मन्त्रिपरिषद् बैठकले मिटरब्याजलाई अपराध घोषणा गरी कानूनी दायरामा ल्याउन मुलुकी अपराध संहितामा संशोधन प्रक्रिया अघि बढाउने निर्णय गरेको हो ।
महोत्तरीबाट ११ दिन पैदलै हिँडेर काठमाडौं आएर मिटरब्याज पीडितले सरकारलाई दबाब दिएपछि कानून संशोधनको तयारी भएको हो ।
मन्त्रिपरिषद्को मंगलबारको निर्णयअनुसार कानून संशोधन भएमा मिटरब्याजी साहुकारमाथि अपराधमा अनुसन्धान गरी सरकारले नै मुद्दा चलाउने बाटो खुल्नेछ ।
पछिल्लो समय देवानी संहितामा लेनदेनसम्बन्धी विवादलाई लिखतका आधारमा सिधै अदालतमा मुद्दा दायर गर्न सक्ने व्यवस्था छ ।
