-
-
-
-
काठमाडौं । आईएमई लिमिटेड तथा आइएमई डिजिटल सोलुसन लिमिटेडका साझेदार एजेन्टहरुमार्फत अब हवाई यात्रुहरुले सजिलै अन्तर्राष्ट्रिय हवाई टिकट काट्न पाउने भएका छन् ।
यस सेवामार्फत देशभरि छरिएर रहेका आईएमईका हजारौँ साझेदार एजेन्ट्सहरुसँग यात्रुहरुले सुपथ मुल्यमा अन्तर्राष्ट्रिय हवाई टिकट खरिद गर्न सक्ने आईएमईले जनाएको छ ।
विज्ञप्ति जारी गर्दै आईएई भन्छ, ‘यसको साथै साझेदार मित्रहरुले आफ्नो ‘आइएमई–एजेन्ट पोर्टल’ मार्फत नै अन्तर्राष्ट्रिय हवाई टिकटको मूल्य, उडानको तालिका हेर्न तथा तुलना गर्न सक्ने व्यवस्था मिलाइएको छ । यस सेवामार्फत समग्र पर्यटन उद्योगको विकास तथा प्रर्वद्धनमा टेवा पुग्ने विश्वास आईएमई ग्रुपको छ ।’
