-
-
-
-
काठमाडौं । नेपालमा कोरोना भाइरसको महामारी द्रूत गतिमा फैलिएको छ । बिहीबार मात्रै ८५ संक्रमित थपिएका छन् । जसमा २७२ जनाको पीसीआर परीक्षण गर्दा ६३ जनामा संक्रमण देखिएको छ । जुन २३.२ प्रतिशत हो ।
त्यस्तै १ हजार १३० एन्टिजेन परीक्षणबाट २२ संक्रमित पाइएका छन् ।
२७ जनामात्र निको भएका छन् । सक्रिय संक्रमित बढेर ३५८ पुगेका छन् । काठमाडौं उपत्यकामा पनि संक्रमित बढेका छन् । जसमा १७ जना संस्थागत आइसोलेसनमा, ४ जना आईसीयूमा र १ जना भेन्टिलेटरमा रहेका छन् ।
बिहीबार २७ हजार ५६१ जनाले कोरोनाविरुद्धको खोप लगाएको पनि स्वास्थ्य तथा जनसंख्या मन्त्रालयले जनाएको छ ।
