-
-
-
-
काठमाडौं । लियोनल मेस्सीको गोलले फ्रेन्च लिग वानमा पेरिस सेन्ट जर्मेन (पीएसजी) ले निसमाथि सहज जित निकालेको छ । घरेलु टोली निसमाथि पीएसजीले २–० को सहज जित निकाल्दै शीर्ष स्थानलाई कायमै राखेको हो ।
एलिएन्ज रिभिइरा नाइसमा शनिबार राति भएको खेलमा पहिलो हाफको २६औं मिनेटमा मेस्सीले गोल गरे । पहिलो हाफमा नै १–० को अग्रता लिन सफल भएको पीएसजीले दोस्रो गोलका लागि ५० मिनेट कुर्नुपर्यो ।
दोस्रो हाफको ७६औं मिनेटमा मेस्सीको पासमा डिफेन्डर रामोसले गोल गर्दै पीएसजीको अग्रता दोब्बर पारे । यो गोलसँगै खेल २–० को अवस्थामा टुंगियो ।
यस जितसँगै पीएसजीले शीर्ष स्थानलाई मजबुद बनाउने क्रममा ३० खेलबाट ६९ अंक जोडेको छ । दोस्रो स्थानको लेन्स ३० खेलबाटै ६३ अंकसहित ६ अंकले पछि रहेको छ ।
तस्रो मार्सेको ६० तथा चौथो मोनाकोको ५७ अंक छ । निस भने ४५ अंक जोडेर आठौं स्थानमा छ ।
