-
-
-
-
काठमाडौं । प्रधानमन्त्री पुष्पकमल दाहाल प्रचण्ड एमाले सचिवको निवासमा पुगेका छन् ।
सुदूरपश्चिम विश्वविधालयको दीक्षान्त समारोहमा सहभागी हुन धनगढी पुगेका प्रधानमन्त्री प्रचण्ड एमाले सचिव लेखराज भट्टको निवासमा पुगेका हुन् ।
धनगढी विमानस्थलमा ओर्लिएसँगै प्रचण्ड भट्ट निवास पुगेका थिए । भट्टको कैलालीको गोदावरी नगरपालिका-१ अत्तरियामा घर रहेको छ ।
सचिव भट्टले आइतबार बिहान प्रधानमन्त्री दाहाललाई चिया निम्तो दिएपछि विमानबाट उत्रेर प्रचण्ड भट्टलाई भेट्न पुगेका हुन् । भट्ट निवासमा चिया नास्तासँगै दुवैबीच भेट वार्ता भएको छ ।
भट्ट नकपा गठन हुनु अघि माओवादीमा थिए । नेकपा विभाजनपछि रामबहादुर बादल, टोपबहादुर रायमाझीसँगै भट्ट पनि एमालेमा गएका थिए ।
प्रधानमन्त्री आजै काठमाडौँ फर्किँदै छन् ।
