-
-
-
-
काठमाडौं । कोरोना भाइरसबाट एकैदिन १२४ जना संक्रमित थपिएका छन् । ९०३ जनाको पीसीआर परीक्षण गर्दा ७७ जना तथा १ हजार ६६३ जनाको एन्टिजेन परीक्षणबाट ४७ संक्रमित थपिएका हुन् ।
यो संख्या यो वर्षकै सबैभन्दा बढी हो । काठमाडौं उपत्यकामा मात्रै २१ जना संस्थागत आइसोलेसनमा, १० जना आईसीयूमा र ४ जना भेन्टिलेटरमा रहेका छन् ।
सोमबार मात्र २९ जना संक्रमणमुक्त भएका छन् । स्वास्थ्य तथा जनसंख्या मन्त्रालयले मापदण्ड अपनाउन र बुस्टर डोज लगाउन आग्रह गरिरहे पनि खोप लगाउने भने बढ्न सकेका छैनन् ।
सोमबार मात्र १९ हजार २६३ जनाले खोप लगाएका छन् ।
सक्रिय संक्रमितको संख्या बढेर पीसीआर परीक्षणका मात्रै ४४४ पुगेका छन् ।
