काठमाडौँ। टाटा मोटरसले भारतीय बजारमा ५ लाख वटा नेक्सन विक्री वितरण सफल भएको छ। कम्पनीको पुनस्थित रंजनगाव म्यानुफ्याक्चरिंग युनिटमा निर्मित यस गाडी सन् २०१७ बाट बजारमा ल्याइएको थियो। साढे पाँच वर्षको छोटो अवधिमै  यसले उक्त  सफलता हासिल  गरेको हो। अझ उल्लेखनीय पक्ष भनेको  ५ लाख मध्ये   पछिका १ लाख केवल सात महिनामा विक्री भएको थियो। 

हालका वर्षहरूमा नेक्सन कम्पनीको निरन्तर बजारले रुचाएको मोडेल रूपमा स्थापित भएको छ।  सन् २०२० मा  "फेसलिफ्ट"को आगमन पछि यसको बजार विस्तारले झन् तीव्र  ढङ्गले अगाडि बढेको पाइन्छ।

नेक्सन  १२०० सय सिसिको रेभोट्रन  पेट्रोल  इन्जिन र १५०० सिसिको रेभोटर्क डिजेल इन्जिन उपल्क्ब्ध छ।  पहिलो प्रकारमा  १२० हर्सपावर एवं १७० एनएमको "पिक टर्क"को क्षमता छ भने  दोस्रो प्रकारमा  १२० हर्सपावरको शक्ति एवं १७० एनएमको "पिक टर्क"को क्षमता छ।  दुवैमा म्यानुएल ट्रान्समिसन स्ट्यानडर्डको रूपमा र  सिक्स स्पिड एटिएमको रूपमा रहेको छ।

नेक्सन एसयुभीले मारुती सुजुकी ब्रेज्ज़ा, ह्युनडाइ भेनु , किया सोनेट, महिन्द्रा एक्सयुभी ३००, निसान म्याग्नाइट र रेनल्ट किगरसँग सशक्त ढङ्गले प्रतिस्पर्धा गरिरहेको छ। यसमा टचस्क्रिन सिस्टम, सेमी-डिजिटल इन्स्ट्रुमेन्ट कन्सल, थ्री-स्पोक फ्ल्याट-बटम स्टिरिंग व्हिल, स्वचालित क्लाइमेट कन्ट्रोल , क्रुज कन्ट्रोल जस्ता विशेषताहरू छन्।

सर्वोत्कृष्ट  सुरक्षाको लागि नेक्सनले  ग्लोबल एनसीएपीद्वारा पाँच-तारे गाडीको मान्यता प्राप्त गरेको छ। यस गाडीले बजारमा अग्र गति लिनुको पछाडि यो  एक प्रमुख कारण हो।

नेक्सनको विद्युतीय संस्करणले पनि बजारमा अग्रस्थानमा रहेको छ। नेक्सन इभी हाल भारतको सबैभन्दा बढी विक्री भइरहेको विद्युतीय गाडीको हो।

टाटाको  यस वर्षको अन्त्यसम्म नेक्सनको  अझ परिष्कृत र परिमार्जित स्वरूप बजारमा ल्याउने योजना  छ। यो नयाँ स्वरूप अटो एक्पो २०२३ मा प्रदर्शन गरिएको "कर्भ अवधारणा"मा आधारित छ। १२०० सिसिको टर्बो पेट्रोल इन्जिन भएको यो गाडीको शक्ति  १२५ हर्सपावर बराबर हुनेछ।