-
-
-
-
काठमाडौं । काठमाडौं महानगरपालिकाका मेयर वालेन्द्र साह (बालेन) विरुद्धको रिट सर्वोच्च अदालतको हेर्न नभ्याइने सूचीमा परेको छ । सिंहदरबार, प्रधानमन्त्रीको सरकारी निवास र राष्ट्रपतिको कार्यालयको फोहर नउठाउने मेयर बालेनको घोषणा गैरकानूनी भन्दै अधिवक्ता पदमबहादुर श्रेष्ठले सोमबार दायर गरेको रिट आज कामू प्रधानन्यायाधीश हरिकृष्ण कार्कीको इजलासमा परेको थियो ।
कार्कीको एकल इजलासमा परेका आजका आठ वटै मुद्दा हेर्न नभ्याइने सूचीमा परेका छन् ।
रिटमा प्रधानमन्त्री तथा मन्त्रिपरिषद्को कार्यालयलाईसमेत विपक्षी बनाइएको छ ।
बालेनले केही दिनअघि घोषणा गर्दै सिंहदरबारका नेताहरुलाई फोहर फाल्ने ठाउँमा राख्नुपर्ने भन्दै फोहर नउठाउने घोषणा गरेका थिए ।
