राष्ट्रपति पौडेललाई भारत लगियो

हाम्रा कुरा

प्रकाशित २०८० वैशाख ६ बुधबार

काठमाडौं । बिमार राष्ट्रपति रामचन्द्र पौडेललाई थप उपचारका लागि भारतको नयाँदिल्ली लगिएको छ । पौडेललाई श्री एयरको एयर एम्बुलेन्समार्फत् दिल्ली लगिएको राष्ट्रपतिका प्रेस सल्लाहकार किरण पोखरेलले जानकारी दिए ।

राष्ट्रपति पौडेलको दिल्लीस्थित अल इन्डिया इन्स्टिच्युट अफ मेडिकल साइसेन्स (एम्स)मा उपचार हुनेछ । राष्ट्रपति पौडेलको छातीमा समस्या भएपछिमंगलबार त्रीवी शिक्षण अस्पताल महाराजगञ्जमा भर्ना गरिएको थियो ।

पौडेलले यसअघि पनि शिक्षण अस्पताल र भारतको एम्स अस्पतालमा उपचार गराइरहेकामा एम्सका चिकित्सकको टोलीले राष्ट्रपतिलाई एम्समै ल्याउन भनेसँगै विमान चार्टर्ड गरेर भारत लागिएको हो ।