-
-
-
-
काठमाडौं । भारतमा उपचाररत राष्ट्रपति रामचन्द्र पौडेलको स्वास्थ्यमा थप सुधार भएको छ। भारतको राजधानी नयाँदिल्लीस्थित अखिल भारतीय आयुर्विज्ञान संस्थान (एम्स) मा उपचाररत राष्ट्रपति पौडेलेको स्वास्थ्यमा सुधार हुँदै आएको हो ।
पौडेलको उपचारमा संलग्न सम्बन्धित चिकित्सकले यस सम्बन्धी जानकारी दिएको नयाँ दिल्लीस्थित नेपाली दूतावासले जनाएको छ। छातीमा संक्रमण फैलिएपछि राष्ट्रपति पौडेललाई एअर एम्बुलेन्समार्फत भारत लगिएको थियो ।
उनी बुधबारदेखि त्यहाँ उपचाररत रहेका छन् । स्वास्थ्यमा सुधार आए पनि उपचारपछि कहिले स्वदेश फर्कने हो ? त्यो भने अझै टुंगो नलागेको जनाइएको छ ।
