- सुन चाँदी दर
- विनिमय दर
- नेपाली पात्रो
- राशिफल
काठमाडौं । तनहुँ क्षेत्र नम्बर १ मा हिजो सम्पन्न मतदानपछिको मतगणनामा राष्ट्रिय स्वतन्त्र पार्टी (रास्वपा) का डा. स्वर्णिम वाग्ले अगाडी रहेका छन् ।
पछिल्लो मतपरिणाम अनुसार वाग्लेले पाँच हजार ९ सय मत प्राप्त गरेका छन् । नेपाली कांग्रेसका उम्मेदवार गोविन्द भट्टराई दोब्बर बढी मतान्तरले पछाडि रहेका छन् ।
कांग्रेस भट्टराईले दुई हजार ६ सय ८७ मत पाएका छन् । तनहुँ क्षेत्र नम्बर १ को प्रतिनिधिसभा सदस्य उपनिर्वाचनमा वाग्ले भट्टराईभन्दा ३ हजार २ सय १३ मतले अगाडि रहेका छन् ।
त्यस्तै एमालेका सर्वेन्द्र खनालले एक हजार ६५७ मत पाएका छन् ।
तनहुँ १ को ४२ वडामा ६३ हजार सात सय ५७ मत खसेको थियो । जिल्ला समन्वय समितिको सभा हलमा दुई ठाउँमा मतगणना भइरहेको छ ।