-
-
-
-
काठमाडौं । बलिउड अभिनेता रणवीर कपुरको फिल्म एनिमलमा नेपाली मुलका टंक धमलाले अभिनय गरेका छन् । लियो ट्याङ्कको उपनामले चिनिने अभिनेता टंक धमलाले हालै भारतीय चलचित्र एनिमल मा अभिनय गरेका हुन् ।
गिल्फोर्ड एयरपोर्ट, हर्टफोर्डसायरस्थित ब्रोकेट हललगायत हेरिटेज साइटमा छायाङ्कन उनले पुरा गरेका छन् । चलचित्रमा अभिनेता रणवीर कपुर, बबि देओल, अनिल कपुर, तृप्ति डिम्री, रश्मिका मन्दना आदि कलाकारले अभिनय गरेका छन् ।
'झन्डै दुई साता छायाङ्कन भयो । बलिउडका प्रसिद्ध कलाकारसँग काम गर्दा मैले सिक्ने अवसर पनि पाएँ', अभिनेता धमलाले भने, 'म एजेन्सीमार्फत चलचित्रमा छानिएको हुँ । अभिनेता बबि देओलका भाइको भूमिका निर्वाह गर्न पाएँ, आत्मविश्वास बढेको छ ।'
अभिनेता धमलाले बेलायतमा बस्छन् । उनले बेलायतको तालिममा सहभागी भएर अभिनय गरेका हुन् । लन्डनमा पेसाले चार्टर्ड एकाउन्टेन्ट टंकले यसअघि नेपाली तथा ब्रिटिस चलचित्र, विज्ञापन, भिडियोमा काम गरिसकेका छन् ।
