श्रमिकका पीडा, नेता श्रमिकलाई मात्र फलिफाप [फोटोफिचर]
हाम्रा कुरा
प्रकाशित २०८० वैशाख १९ मंगलबार
706
Shares
काठमाडौं । सोमबार एक सय ३४ औँ अन्तर्राष्ट्रिय श्रमिक दिवस विभिन्न कार्यक्रम गरी मनाइयो । श्रमिकका नेताहरुले श्रमिकका बारेमा चर्का भाषण गरे ।
सरकारले पनि त्यसैअनुसार प्रतिबद्धता जनायो । श्रम, रोजगार तथा सामाजिक सुरक्षा मन्त्रालयले यस वर्षको नारा ‘सामाजिक सुरक्षा, मर्यादित श्रमस राष्ट्रको अभियान’ तय गरेको थियो ।
दिवसका अवसरमा राष्ट्रपतिदेखि दलका नेता एवं श्रमिक संगठनका नेतादेखि श्रम शोषण गर्ने मालिकसम्मले चर्का प्रतिबद्धता जनाए । तर जो संघर्षशील छन् उनीहरुको दैनिकी भने कष्टप्रद नै छ ।
सोमबार पानी परेपछि राजधानी वरपरको अवस्था फरक थियो । परिश्रमीले परिश्रम गरेकै थिए ।
सन् १८८६ मा अमेरिकाको सिकागोमा ‘आठ घन्टा काम, आठ घन्टा मनोरञ्जन र आठ घन्टा आराम’ नारासहित सुरु भएको मजदुर आन्दोलनको सम्झनामा विश्वभर श्रमिक दिवस मनाइन्छ ।
सन् १८८९ मा फ्रान्सको पेरिसमा सम्पन्न विश्वका श्रम सङ्गठन एवं श्रमिक नेताको बैठकले विश्व श्रमिक दिवस विश्वभर मनाउने निर्णय गरेको हो । त्यसयता सन् १८९० देखि हरेक वर्ष अङ्ग्रेजी महिनाको मे १ तारिखमा श्रमिक दिवस मनाउन शुरु गरिएको थियो ।
