काठमाडौं । अमेरिकाले सिरिया युद्धबारे रुससंग वार्तामा रोक लगाएको छ । अमेरिकी विदेश मन्त्रालयले रुसले गत महिना सिरियामा युद्धविरामबारे भएको सम्झौताको पालना नगरेको भन्दै अब वार्ता नगर्ने जनाएको हो ।
अमेरिकाले रुसलाई सिरियाली सरकारलाई युद्धविरामका सम्झौतासमेत पालना गराउन राजी नभएको आरोप लगाएको छ ।
त्यस्तै अमेरिकाले रुस र सिरिया सरकारमाथि सिरियाली नागरिक, अस्पताल तथा मानवीय सहायता संगठनहरुलाई निशाना बनाएर हमला गरेको आरोपसमेत लगाएको छ ।
रुसी विदेश मन्त्रालयले भने अमेरिकाले वार्ता स्थगित गरेकोप्रति खेद व्यक्त गरेको छ ।
