-
-
-
-
दार्चुला । दार्चुलामा चट्याङ लागेर एकको मृत्यु भएको छ । शैल्यशिखर नगरपालिका-३ दार्माका १५ वर्षीय नरेश खत्रीको मृत्यु भएको हो ।
जिल्ला प्रहरी कार्यालय दार्चुलाका सूचना अधिकारी ज्ञानेन्द्र बहादुर सिंहका अनुसार सोमवार बेलुकातिर खेतमा काम गरिरहेका ३९ वर्षीया मिना खत्री, ३० वर्षीय कुमार खत्री र १५ वर्षीय नरेश खत्रीलाई चट्याङ लाग्दा घाइते भएका थिए ।
घाइते तीनै जनालाई गोकुलेश्वर अस्पताल पुर्याए पनि नरेश खत्रीलाई डाक्टरले मृत घोषणा गरेको सूचना अधिकारी सिंहले बताए ।
उनीहरू एकै घर परिवारका हुन् । मिना र कुमारको गोकुलेश्वर अस्पतालमा उपचार भइरहेको प्रहरीले जनाएको छ । खेतमा काम गरिरहेका बेला चिउरीको रुखमा चट्याङ परेको बताइएको छ ।
