फ्रेन्च लिग वानको उपाधि पीएसजीलाई, मेस्सीको कीर्तिमानी गोल
हाम्रा कुरा
प्रकाशित २०८० जेठ १४ आइतबार
1.6k
Shares
काठमाडौं । फ्रेन्च लिग वान फुटबलको उपाधि पेरिस सेन्ट जर्मेन (पीएसजी) ले जितेको छ । शनिबार राति स्टार्सवर्गसँग १–१ गोलको बराबरी खेल्दै पीएसजीले एक खेलअघि नै नै लिग वानको उपाधि पक्का गरेको हो ।
खेलको ५९ औं मिनेटमा लियोनल मेस्सीले गोल गर्दै पीएसजीलाई शुरुआती अग्रता दिलाएका थिए ।
केलियन एम्बाप्पेको पासमा मेस्सीले गोल गरेका थिए । मेस्सीको यो युरोपको शीर्ष पाँच लिगमा ४९६ औं गोल हो । उनले क्रिष्टियानो रोनाल्डोको नाममा रहेको ४९५ गोलको कीर्तिमान तोडेका छन् ।
खेलको ७९ औं मिनेटमा केभिन गेमिरोले गोल गर्दै स्टार्सवर्गलाई १–१ गोलको बराबरीमा ल्याएका थिए ।
यस बराबरीसँगै च्याम्पियन बनेको पीएसजीले ३७ खेलमा ८५ अंक जोडेको छ । ३७ खेलबाटै दोस्रो स्थानमा रहेको लेन्सको ८१ अंक छ ।
पीएसजी अन्तिम खेल खेल्नुअघि नै उपाधि पक्का गर्न सफल भएको हो ।
पीएसजीले ११ औं पटक फ्रेन्च लिग वानको उपाधि जितेको हो ।
