रेशमलाई माफी दिएपछि राष्ट्रपति र प्रधानमन्त्रीको पुत्ला दहन
हाम्रा कुरा
प्रकाशित २०८० जेठ १७ बुधबार
383
Shares
काठमाडौं । टिकापुर हत्या काण्डका दोषी रेशम चौधरीलाई आम माफी दिएको भन्दै राष्ट्रपति र प्रधानमन्त्रीको पुत्ला दहन भएको छ । पूर्व प्रहरी कर्मचारी सङ्गठन सुनसरीले इनरुवामा राष्ट्रपति र प्रधानमन्त्रीको पुत्ला दहन गरेको हो।
जन्मकैद सजाय भोगिरहेका रेशमलाई गणतन्त्र दिवसको अवसर पारेर सरकारले आम माफी दिएको थियो । प्रहरी उच्च अधिकारी सहितको हत्यामा जन्मकैद भोगिरहेका व्यक्तिलाई माफी दिनुले प्रहरी कर्मचारी र परिवारको मान सम्मानमा चोट पुगेको पूर्व प्रहरी कर्मचारी पहल बहादुर कटवालले बताए।
पुत्ला दहन कार्यक्रममा प्रदर्शनकारीले सरकारको सिफारिसमा रेशमलाई राष्ट्रपतिले आम माफी दिनु मुलुकको कानूनी राज्य प्रतिको उपहास भएको बताए ।
