बैंकक । थाइ नरेश भुमिबोल अदुल्यादेजको ८८ वर्षको उमेरमा बिहीबार निधन भएको छ ।
विश्वकै सबैभन्दा बढी समय राज गर्न सफल अदुल्यादेजको बैंककको एक अस्पतालमा निधन भएको हो ।
केही वर्षदेखि बिरामी रहेका नरेश अदुल्यादेजको निधनले सम्पूर्ण थाइल्याण्ड शोकमा डुबेको छ ।
विश्वकै राजपरिवारलेसमेत शोकमा साथ दिने प्रयास गरेका छन् । उनीहरुले राजा अदुल्यादेजको आत्माको शान्तिको कामनासमेत गरेका छन् ।
राजा अदुल्यादेजको निधन भएपछि उनका छोरा ६४ वर्षीय युवराज महा वजिरालोङ्गकोर्नलाई श्रीपेज पहि¥याइएको छ ।
राजा अदुल्यादेजको पालामा कयौं पटक सैन्य कूसमेत भएको थियो । र पनि थाइ नागरिकले उनलाई चाहे ।
थाइ नागरिकले जहिले पनि उनलाई नै भरोसा गरे ।
अदुल्यादेजको छवि एक त्यस्तो पिताको जस्तो थियो जो दयालु थियो । उनी राजनीतिभन्दा निकै माथि थिए ।
अदुल्यादेज संवैधानिक तरिकाले बनाइएका राजा थिए ।
उनको शक्ति सीमित थियो । तर थाइ नागरिकले उनलाई भगवानको दर्जा दिएका थिए ।
