-
-
-
-
काठमाडौं । बलिउड अभिनेता अजय देवणन र दक्षिण भारतीय सुपरस्टार मोहनलालको फिल्म 'दृश्यम ३' एकै साथ रिलिज हुने भएको छ ।
अजयले अभिनय गरेका दृश्यमको सिक्वेलहरु सुपरस्टार मोहनलालको मलयालम फिल्म ‘दृश्यम’ को रिमेक हुन् । अब दुवै जनाको फिल्म एकै साथ रिलिज हुने भएको छ ।
‘दृश्यम’ को हिन्दी र मलयालम दुवै टिमले फिल्मको तेस्रो भाग एकैसाथ छायाङ्कन गरी भारतमा एउटै मितिमा रिलिज गर्ने योजना बनाएका छन् ।
भारतीय सञ्चारमाध्यमका अनुसार निर्देशक अभिषेक पाठक र उनका लेखकहरूले फिल्म 'दृश्यम ३' को लागि आधारभूत कथानक तयार गरेका छन्।
मलयालम फिल्म 'दृश्यम'का निर्देशक जीतु जोसेफ र उनको टोलीले यसलाई मन पराएको छ र अब यसलाई पटकथामा रूपान्तरण गर्ने काम भइरहेको छ।
मोहनलाल मलयालमको ‘दृश्यम ३’ मा जर्ज कुट्टीको भूमिकामा देखिनेछन् ।
योसँगै अजय हिन्दीको ‘दृश्यम ३’ मा विजय सालगाउँकरको भूमिकामा देखिनेछन् ।
फिल्म सन् २०२४ सम्ममा रिलिजको तयारीमा छ ।
अजय देवगनको फिल्म ‘दृश्यम’ र ‘दृश्यम २’ बलिउडमा निकै मन पराइएको फिल्म हो।
पहिलो भाग सन् २०१५ र दोस्रो सन् २०२२ मा रिलिज भएको थियो ।
