-
-
-
-
काठमाडौं । पूर्वी पहाडमा बाढी पहिरोका कारण पाँच जनाको ज्यान गएका छन् भने २८ जना बेपत्ता भएका छन् । शनिबार रातिको वर्षासँगै आएको बाढी र पहिराबाट सङ्खुवासभा, ताप्लेजुङ, पाँचथर र धनकुटामा गरि पाँच जनाको ज्यान गएका हुन् ।
पाँचथरमा दुई, सङ्खुवासभामा एक र ताप्लेजुङमा एक र धनकुटामा एक महिलाको मृत्यु भएको छ । बेपत्ता हुनेमा सङ्खुवासभामा २१, पाँचथरमा ४ र ताप्लेजुङमा ३ जना रहेका छन् ।
बाढी पहिरोका कारण दर्जनौँ घर क्षतिग्रस्त भएका छन् । सडक, पुललगायतका संरचना बगेका छन् । प्राय बाढी पहिरोग्रस्त गाउँका विद्युत् संरचनामा क्षति पुग्दा गाउँघर अन्धकारमय बनेका छन् भने आन्तरिक र बाह्य यातायात ठप्प छ ।
