-
-
-
-
काठमाडौं । बलिउड अभिनेता अक्षय कुमार आफ्नो अभिनय र परिवारका कारण चर्चामा रहन्छन् । अक्षय कुमारकी पत्नी ट्विंकल खन्नाले अभिनय करियर छोडेकी भए पनि उनी दिनहुँ चर्चामा रहन्छिन् ।
सामाजिक सञ्जालमा निकै सक्रिय रहने ट्विंकल खन्नाले अहिले फादर्स डेको अवसरमा एउटा पोस्ट सेयर गरेकी छिन् जसले मानिसहरूको ध्यान तानिरहेको छ ।
यो तस्बिरमा उनी पति अक्षय कुमारसँग देखिएकी छिन् । ट्विंकल खन्नाले तस्बिरको क्याप्शनमा लेखेकी छिन्, 'मैले मिस्टर केसँग विवाह गर्नुको एउटा कारण मैले उहाँलाई आफ्नो परिवारसँग व्यवहार गरेको देखेँ र उहाँ असल बुबा बन्नुहुनेछ भन्ने थाहा थियो।'
अक्षय कुमार र ट्विंकल खन्नाले सन् २००१ मा विवाह गरेका थिए र यी जोडीका दुई सन्तान छन् । अक्षय कुमार र ट्विंकल खन्नाको छोराको नाम आरव र छोरीको नाम नितारा हो ।
