-
-
-
-
बुटवल । सशस्त्र प्रहरी बल नेपाल बीओपी बयरघाट रुपन्देहीले एक किलोग्राम ९६५.३ ग्राम सुनसहित कार र चालकलाई नियन्त्रणमा लिइएको छ । गएराति ९:३० बजे लुम्बिनी सांस्कृतिक नगरपालिका -१३ कालिदहबाट कार र चालकसहित उक्त ठूलो परिमाणमा सुन बरामत गरिएको हो ।
नेपालबाट भारततर्फ जाँदै गरेको बा.१२ च.३८२० नं.को मारुती सुजुकी कार र चालकलाई विशेष सूचनाको आधारमा नियन्त्रणमा लिई चेकजाँच गर्दा गियर बक्समा फल्स बटम बनाएर लुकाइछिपाइ लैजाँदै गरेको अवस्थामा इट्टा आकारको २ थान सुन, कार र चालक दाङको घोराही नगरपालिका-१० का हुमानन्द गिरीलाई नियन्त्रणमा लिएर भैरहवा भन्सार कार्यालयमा बुझाएको छ।
उक्त सुनको मूल्य रु.१ करोड ८५ लाख ६५ हजार ३५५ र गाडीको १५ लाख रुपैयाँ भन्सार कार्यालयमा बुझाइएको रुपन्देहीका एसपी दीपक थापाले जानकारी दिएका छन् ।
