-
-
-
-
काठमाडौँ ।अर्थमन्त्री प्रकाशशरण महत आएपछि प्रतिनिधि सभा बैठक शुरु भएको छ । राष्ट्रिय स्वतन्त्र पार्टी (रास्वपा) र नेकपा एमालेले सदन अवरोध गरेपछि सदनमा अर्थमन्त्री महत सदनमा आएका हुन् ।
जिल्ला निर्वाचन आयोगको कार्यालय खारेजी लगायतका विषयलाई लिएर रास्वपाले विरोध जनाएपछि बैठक १५ मिनेटका लागि स्थगित भएको थियो । रास्वपाले तत्काल अर्थमन्त्रीलाई रुलिङ गर्न सभामुखलाई आग्रह गरेको छ ।
आजको बैठकमा विनियोजन विधेयक २०८० माथि उठेका प्रश्नको जवाफ सम्बन्धित मन्त्रीले दिने कार्यक्रम रहेको हो । आज भूमि व्यवस्था, सहकारी तथा गरिबी निवारण मन्त्रालय, अर्थ मन्त्रालय, शिक्षा, विज्ञान तथा प्रविधि मन्त्रालय, कानून, न्याय तथा संसदीय मामिला मन्त्रालय र कृषि तथा पशुपन्छी विकास मन्त्रीले सांसदले उठाएका प्रश्नहरूको जवाफ दिने छन् ।
