-
-
-
-
काठमाडौँ । देशभर शुक्रबार धान दिवस मनाइएको छ । हरेक १५ असारमा धान दिवस मनाइने गरिन्छ । सोहीअनुसार शुक्रबार विभिन्न कार्यक्रम गरेर धान दिवस मनाइएको हो ।
यसै क्रममा विद्यार्थीहरुले पनि निकै रमाइलो मानेर हिलोमा खेलेका छन् । तारकेश्वरमा विद्यार्थीसहितले धान रोप्ने तथा हिलोमै भलिबल खेलेर धान दिवस मनाएका छन् ।
त्यस्तै सधै कक्षाकोठामा रहने भक्तपुर नगरपालिका २ मिवाछें व्यासीस्थित एभरेष्ट स्कुलका विद्यार्थी रोपाइँमा रमाए । विद्यालयले स्कुल नजिकैको खेतमा विद्यार्थीलाई रोपाइँका लागि लगेको थियो ।
रोपाइँमा विद्यार्थीलाई शिक्षक शिक्षिकाहरुले सहयोग गरेका थिए । शिक्षकशिक्षिकाहरुले उनीहरुलाई रोपाइँमाम प्रयोग हुने औजारहरुका बारेमा समेत जानकारी गराएका थिए ।
