एजेन्सी । म्यानमारको उत्तरपश्चिममा रहेको नदीमा फेरी (डुंगा) डुब्दा कम्तिमा १४ जनाको मृत्यु भएको छ । सो दुर्घटनमा अझैं केही बेपत्ता रहेको सरकारी अधिकारीलाई उद्रित गर्दै रोयटर्सले जनाएको छ ।
दुर्घटनमा १ सय ५० बढीको उद्धार गरिएको क्षेत्रीय उद्धार विभागका प्रमुख स विली फ्रान्कले जनाएका छन् । १४ जनाको शव फेला परको छ, भने अझैं ८५ जना हराइरहेका छन् ।
बेपत्ता भएकाको संख्या धेरै भएकाले मृतकको संख्या बढ्न सक्ने अधिकारीहरुले जनाएका छन् । यद्यपि, उद्धार कार्य जारी छ । एक प्रत्यक्षदर्शीका अनुसार सो फेरीमा ३ सय यात्रु सवार थिए । सो फेरीको आधिकारीक क्षमता भने १ सय २० थियो ।
होमालिन देखि मोनिवाका लागि हिँडेको फेरी शनिबार बिहानै दुर्घटना भएको थियो ।
