रक्षात्मक भएर बाँच्ने कोसिसमा निजी क्षेत्र – सीएनआई अध्यक्ष अग्रवाल [भिडियो]

हाम्रा कुरा

प्रकाशित २०८० असार १८ सोमबार

काठमाडौँ । नेपाल उद्योग परिसंघका अध्यक्ष राजेशकुमार अग्रवालले राष्ट्र बैंकको मौद्रिक नीतिले मूल्यवृद्धिलाई पनि कन्ट्रोल गर्ने र जीडीपीलाई पनि बढाउने गरी एक्सन लिनुपर्ने आवश्यकता रहेको बताएका छन् ।

राष्ट्र बैंकले सन्तुलन कायम गर्दै कोरोना महामारी र विदेशी मुद्रा सञ्चिति कन्ट्रोल गर्ने क्रममा लिएको नीतिहरु खुकुलो बनाउनुपर्ने बताए । उनले अर्थतन्त्रको व्यवस्था र उद्योग व्यवसायको अवस्थालाई चलायमान र माथि उकास्नलाई सरकारसँग समन्वय गरेर के निकास निकाल्दा अर्थतन्त्र चलायमान हुन्छ भन्ने कुरामा आफू बढी केन्द्रित हुनेपनि बताए ।

अगवाल हालै मात्र सम्पन्न १९ औँ साधारण सभाबाट स्वतः अध्यक्ष चयन भएका हुन् । । वर्तमान अवस्थामा मुलुकको अर्थतन्त्र समस्या र चुनौतीको मारमा छ ।

चालु आर्थिक वर्षमा मुलुकको आर्थिक वृद्धिदर ८ प्रतिशत हासिल गर्ने भने पनि २ प्रतिशत पुग्ने अवस्थासमेत देखिएको छैन । मागमा कमी हुँदा बजारमा अर्थतन्त्र मन्दीमा जाँदा उद्योगी व्यवसायीहरुको मनोबल कमजोर छ ।

यस्तो अवस्थामा मुलुकका उद्योगीहरूको छाता संगठन उद्योग परिसंघको नेतृत्वमा पुगेका उनलाई आर्थिक अवस्था सुदृढ बनाउँदै उद्योगी, व्यवसायीहरुको मनोबल उकास्नु चुनौतीको विषय छ ।

स्वदेशी उद्योग तथा उत्पादनलाई प्रवद्र्धन गर्ने, रोजगारी सिर्जना गर्ने कार्ययोजना, मेक इन नेपाल अभियानको कार्यान्वयन, वित्तीय तथा मौद्रिक नीतिप्रति अपेक्षा लगायत विषयमा अग्रवालसँग गरिएको कुराकानीको सम्पादित अंश–