काठमाडौँ । ट्विटरका मालिक एलन मस्कले ट्विटरको जस्तो फिचर बनाएको भन्दै मेटा कम्पनीका मालिक मार्क जुकरबर्गमाथि कानूनी लडाइँ लड्ने बताएका छन् ।
उनले आफूले ट्विटर एपका लागि ४४ बिलियन अमेरिकी डलर खर्च गरेको भन्दै अहिले आएर जुकरबर्गले त्यस्तै फिचर बनाएर थ्रेड्स एप लञ्च गरेको भन्दै प्रतिलिपि अधिकारमा कारबाही गर्ने बताएका छन् ।
उनले ट्विट गर्दै आज यो व्यक्तिगत भएको भन्दै अब जेलमै भेट्ने बताएका छन् । तर यो क्रममा उनले अशिष्ट भाषाको प्रयोग गरेका छन् । उनले जुकरबर्गलाई छेपारे केटो भन्दै सम्बोधन गरेका छन् ।
वास्तवमा यो मस्कको नक्कली आईडी हो । मस्क र जुकरबर्गलाई जुधाएर मजा लिने गरी यो ट्विटर एकाउन्ट बनेको देखिन्छ । थुप्रैका नक्कली एकाउन्ट हटाउन सिपालु मस्कले यो आईडी कसरी चिनेनन् वा जानीजानी यसलाई चलाउन दिएका हुन् त्यसको पनि अनुसन्धान होला नै ।
तर अचम्म त के भने यो आईडीले समेत ब्लु टिक लिएको छ ।
यसअघि मस्कले ‘दुखाइ लुकाउने इन्स्टाग्रामको झूटो खुशीमा लिप्त हुनुभन्दा ट्विटरमा अपरिचित व्यक्तिहरूद्वारा आक्रमण गर्न असीम रूपमा राम्रो छ’ भनेका थिए ।
त्यस्तै ट्विटरकी सीईओ लिन्डा याकारिनोले ट्विटर अक्सर नक्कल गरिएको भए तापनि यसको समुदाय कहिल्यै नक्कल हुन सक्दैन भन्ने प्रतिक्रिया दिएकी थिइन् ।
कस्तो छ थ्रेड्स एप
फेसबुकको मूल संस्था मेटाले हालै लन्च गरेको थ्रेड्स एप पहिलो दिनमै तीन करोड प्रयोगकर्ता जोडिएका छन् । मेटा कम्पनीका प्रमुख मार्क जुकरबर्गले सो जानकारी दिएका हुन् ।
उनले मेटाको थ्रेड एपलाई ट्विटरको मैत्री प्रतिद्वन्द्वीको रूपमा पिच गरेका छन्, जुन अक्टोबरमा एलन मस्कले किनेका थिए । विज्ञहरू भन्छन् कि थ्रेड प्लेटफर्मले हालैका परिवर्तनहरूबाट दुःखी ट्विटर प्रयोगकर्ताहरूलाई आकर्षित गर्न सक्छ।
थ्रेडहरूले प्रयोगकर्ताहरूलाई ५०० क्यारेक्टरहरू सम्म पोस्ट गर्न अनुमति दिन्छ र ट्विटरमा रहेका जस्तै धेरै सुविधाहरू यसमा समावेश गरिएका छन् ।
थ्रेड्समा यो एप ट्विटर भन्दा ठूलो हुनेछ कि भनेर सोध्दा, जुकरबर्गले भने, ‘यसले केही समय लिनेछ, तर मलाई लाग्छ कि यसमा १ अर्ब भन्दा बढी मानिसहरु भएको पब्लिक वार्तालाप एप हुनेछ । ट्विटरले यो गर्ने अवसर पाएको थियो तर त्यसलाई पन्छाएको छ । आशा छ अब हामी गर्नेछौँ ।’
प्रक्षेपणले अनलाइनमा न्यानो प्रतिक्रिया पाएको छ, एक व्यक्तिले बीबीसीलाई उनीहरूले थ्रेड्सलाई ट्विटरमा अत्यधिक आवश्यक प्रतिस्पर्धीको रूपमा देखेका छन्।
