-
-
-
-
दार्चुला । भारतले धौलीगङ्गा जलविद्युत् परियोजनाको बाँध खोल्दा महाकाली नदीमा पानीको सतह बढेको छ ।
आज बिहान ५ बजेदेखि खोलिएको बाधका कारण जलसतह बढ्न गई नदीले कटान सुरु गरेको छ ।
अहिले महाकाली नदीले दार्चुला सदरमुकामस्थितको बङ्गाबगर पारी भारततर्फ कटान गर्दा एक घर बगाएको छ । त्यस क्षेत्रमा नदीले जमिन कटान गरिरहेको छ ।
नदीमा पानीको सतह निक्कै बढेको तथा बाँध आज राती ८ बजेसम्म खोलिने हुँदा तटीय क्षेत्रका बासिन्दालाई नदी छेउछाउ नजान र सतर्कता अपनाउन दार्चुला प्रशासनले अनुरोध गरेको छ ।
एनएचपिसी लिमिटेड, धौलीगंगा पावरस्टेशन धारचुलाले दार्चुला प्रशासनलाई असार २४ गते बाँध खोलिने जानकारी पत्र पठाएको थियो ।
