-
-
-
-
काठमाडौं । नेकपा (माओवादी केन्द्र)का अध्यक्ष एवं प्रधानमन्त्री पुष्पकमल दाहाल प्रचण्डलाई पत्नी शोक परेको छ ।
प्रचण्डकी पत्नी सीता दाहालको आज बिहान निधन भएको छ ।
सीताको उपचारको क्रममा काठमाडौंको थापाथलीस्थित नर्भिक अस्पतालमा निधन भएको हो ।
६९ वर्षीय सीतालाई बिहान ८ बजे हृदयघात भएपछि अस्पताल लगिएको थियो ।
उपचारकै क्रममा उनको ८ बजेर ३३ मिनेट जाँदा निधन भएको प्रधानमन्त्री दाहालका निजी चिकित्सक प्रा डा युवराज शर्माले जानकारी दिए।
उनी लामो समयदेखि पार्किन्सन्स रोगबाट पीडित थिइन् ।
उनको अमेरिका, भारतलगायत विभिन्न देशका अस्पतालमा उपचार हुन नसकेपछि घरमै स्वास्थ्य लाभ गरिरहेकी थिइन्।
