-
-
-
-
काठमाडौँ । अष्ट्रेलिया र न्यूजिल्याण्डको संयुक्त आयोजनामा जारी महिला विश्वकप फुटबलमा ब्रजिल र जर्मनी विजयी भएका छन् ।
समूह एचको ब्रजिलले विश्वकपमा डेब्यु गरेको पानामालाई ४–० ले हरायो । उनको जितमा एरी बोरगेस नायिका रहिन् । उनले ह्याट्रिक गरिन् ।
एरी जारी विश्वकपमा ह्याट्रिक गर्ने पहिलो खेलाडी हुन् । एरीको पासमा ब्रजिलका लागि बिआ जेनराटोले अर्को गोल गरिन् ।
त्यस्तै समूह जीको खेलमा जमएनीले मोरक्कोलाई ६–० ले हरायो । मोरक्कोको पनि यो डेब्यु विश्वकप हो ।
जर्मनीलाई जिताउन कप्तान एलेक्जान्डर पपले २ तथा क्लारा बहुल र लेआ स्कलरले एक एक गोल गरिन् । दुई गोल आत्मघाती भएको थियो ।
आजका खेल
आज तीन खेल हुँदैछन् । पहिलो खेलमा समूह एचका कोलम्बिया र दक्षिण कोरियाले खेलेका छन् । कोलम्बिया हावी भएको छ ।
दोस्रो खेलमा समूह एबाट न्यूजिल्याण्ड र फिलिपिन्स तथा तेस्रो खेलमा स्वीटजरल्याण्ड र नर्वे खेल्दैछन् ।
अंक तालिका–
समूह एबाट स्वीट्जरल्याण्ड र न्यूजिल्याण्डको समान ३–३ अंक छ भने नर्वे र फिलिपिन्स अंकविहीन छन् ।
समूह बीको खेलमा अष्ट्रेलियाले ३ तथा क्यानडा र नाइजेरियाले १–१ अंक बटुलेका छन् । आयरल्याण्ड अंकविहीन छ ।
समूह सीमा जापान र स्पेनको समान ३–३ अंक रहेको छ । कोस्टारिका र जाम्बिया अंकविहीन छ ।
समूह डीमा डेनमार्क र इङल्याण्डको समान ३–३ अंक छ भने चीन र हैटी अंकविहीन छन् ।
समूह ईमा अमेरिका र नेदरल्याण्ड्सको समान ३ अंक छ भने पोर्चुगल र भियतनाम अंकविहीन छन् ।
समूह एफमा ब्रजिलको ३ अंक छ भने फ्रान्स र जमैका अंकविहीन छन् । पानामा अंकविहीन छ ।
समूह जीमा स्वीडेन र इटालीको ३–३ अंक छ भने दक्षिण अफ्रिका र अर्जेन्टिना अंकविहीन छन् ।
समूह एचमा जर्मनी र कोलम्बियाको समान ३ अंक छ भने दक्षिण कोरिया र मोरक्को अंकविहीन छन् ।
