काठमाडौँ । अष्ट्रेलिया र न्यूजिल्याण्डको संयुक्त आयोजनामा जारी महिला विश्वकप फुटबल आयोजक स्तब्ध भएको छ ।
आयोजक न्यूजिल्याण्ड आफ्नो दोस्रो खेलमा फिलिपिन्ससँग पराजित भएको हो । खेल फिलिपिन्सले १–० ले जित्यो । सेरिना बोल्डेनले २४ औँ मिनेटमा निर्णायक गोल गरेकी हुन् ।
विश्वकपमा फिलिपिन्सको यो पहिलो जित हो । पहिलो खेलमा फिलिपिन्स स्वीट्जरल्याण्डसँग २–० ले पराजित भएको थियो ।
अर्को खेलमा स्वीट्जरल्याण्डले नर्वेसँग गोलरहित बराबरी खेलेको छ । योसँगै अर्को चरणको ढोका सबै टिमका लागि खुलेको छ ।
मंगलबार भएको अर्को खेलमा कोलम्बियाले दक्षिण कोरियालाई २–० ले हरायो ।
आजका खेल
आज तीन खेल हुँदैछन् । पहिलो खेलमा समूह सीको खेलमा बिहान १०ः४५ बजे जापानले कोस्टारिकासँग खेल्नेछ ।
दोस्रो खेलमा सोही समूहकै खेलमा दिउँसो १ः१५ बजे स्पेनले जाम्बियासँग खेल्दैछ ।
अन्तिम खेलमा समूह बीको खेलमा क्यानाडाले आयरल्याण्डसँग खेल्नेछ ।
अंक तालिका–
समूह एबाट स्वीट्जरल्याण्डको २ खेलबाट ४ अंक छ । न्यूजिल्याण्ड र फिलिपिन्सको समान ३ अंक छ भने नर्वेको १ अंक छ । अन्तिम भिडन्तबाटै अर्को चरण पुग्ने दुई टिमको टुंगो लाग्नेछ ।
समूह बीको खेलमा अष्ट्रेलियाले ३ तथा क्यानडा र नाइजेरियाले १–१ अंक बटुलेका छन् । आयरल्याण्ड अंकविहीन छ ।
समूह सीमा जापान र स्पेनको समान ३–३ अंक रहेको छ । कोस्टारिका र जाम्बिया अंकविहीन छ ।
समूह डीमा डेनमार्क र इङल्याण्डको समान ३–३ अंक छ भने चीन र हैटी अंकविहीन छन् ।
समूह ईमा अमेरिका र नेदरल्याण्ड्सको समान ३ अंक छ भने पोर्चुगल र भियतनाम अंकविहीन छन् ।
समूह एफमा ब्रजिलको ३ अंक छ भने फ्रान्स र जमैका अंकविहीन छन् । पानामा अंकविहीन छ ।
समूह जीमा स्वीडेन र इटालीको ३–३ अंक छ भने दक्षिण अफ्रिका र अर्जेन्टिना अंकविहीन छन् ।
समूह एचमा जर्मनी र कोलम्बियाको समान ३ अंक छ भने दक्षिण कोरिया र मोरक्को अंकविहीन छन् ।
