-
-
-
-
काठमाडौं । मधेस प्रदेश सरकारका दुई मन्त्रीले पदबाट राजीनामा दिएपछि त्यस स्थानमा अरू दुई जनालाई सरकारमा पठाउने तयारी जनमत पार्टीले थालेको छ ।
आज प्रदेश सरकारका विना विभागीय मन्त्री वसन्त कुशवाहा र विना विभागीय राज्यमन्त्री सञ्जयकुमार यादवलेमुख्यमन्त्री सरोजकुमार यादव समक्ष राजीनामा बुझाएका थिए ।
उनीहरूको स्थानमा नयाँ दुई जनालाई मन्त्री सरकारमा पठाउने विषयमा छलफल भइरहेको छ । कुशवाहको ठाउँमा जनमत पार्टीका प्रमुख सचेतक चन्दन सिंह र यादवको स्थानमा सांसद रञ्जु खंगलाई सरकारमा पठाउने विषयमा छलफल भइरहेको जनमत पार्टीका नेताले बताएका छन् ।
यसअघि मन्त्री कुशवाहाले सम्हालेको भूमि व्यवस्था कृषि तथा सहकारी मन्त्रालयको जिम्मेवारी गत जेठ ९ गते मुख्यमन्त्री सरोजकुमार यादवले नेकपा (एकीकृत समाजवादी)का गोविन्द न्यौपानेलाई दिएका थिए ।
