- सुन चाँदी दर
- विनिमय दर
- नेपाली पात्रो
- राशिफल
काठमाडौँ । नेपाल आयल निगमले खाना पकाउने एलपी ग्यासको मूल्य स्वात्तै घटाएको छ । निगमले ग्यासको भाउ प्रति सिलिण्डर १३० रुपैयाँ घटाएको हो ।
योसँगै अब खाना पकाउने ग्यासको मूल्य प्रतिसिलिण्डर एक हजार ६६० रुपैयाँ पर्नेछ । १५ दिनअघि १० रुपैयाँ घटेको ग्यासको भाउ आज एकैपटक १३० रुपैयाँ घटेको हो ।
भारतबाट नयाँ मूल्य आएलगत्तै निगमले स्वचालित प्रणालीअनुसार मूल्य समायोजन गरेको जनाएको छ । १५ दिन अघिदेखि निगमले स्वचालित मूल्य लागू गरेको हो ।
जसअनुसार मूल्य बढेर आए नेपालमा पनि बढ्नेछ भने घटेर आए नेपालमा पनि घट्ने छ ।
स्वचालित प्रणालीअनुसार पेट्रोल, डिजेल र मट्टितेलको मूल्य भने बढेको छ ।
जसअनुसार पेट्रोल प्रतिलिटर ९ रुपैयाँ तथा डिजेल र मट्टितेल प्रतिलिटर ७–७ रुपैयाँ बढेको छ । अब काठमाडौँ उपत्यकामा पेट्रोल प्रतिलिटर १७३ रुपैयाँ तथा डिजेल र मट्टितेल प्रतिलिटर १५३ रुपैयाँ पुगेको छ ।
ठाउँअनुसार यसको मूल्य फरक फरक कायम गरिएको छ ।
निगमले मंगलबार राति १२ बजेपछि लागू हुने गरी मूल्य समायोजन गरेको हो ।