-
-
-
-
झापा । झापाको बिर्तामोडमा डेंगी रोगको सङ्क्रमणबाट थप एक जनाको मृत्यु भएको छ । डेंगी सङ्क्रमणबाट बिर्तामोड नगरपालिका वडा नं ५ निवासी ४४ वर्षीय बिचन्द्र लावतीको मृत्यु भएको हो ।
बिर्तामोडस्थित बीएण्डसी अस्पतालको भेन्टिलेटरमा राखेर उनको केही दिनदेखि उपचार भइरहेको थियो । उपचारकै क्रममा उनको मृत्यु भएको अस्पताल श्रोतले जनाएको छ ।
लावतीसँगै साउनयता डेंगी सङ्क्रमणबाट झापाको बिर्तामोडमा मात्रै दुई जनाको मृत्यु भइसकेको छ ।
साउनको पहिलो साता बिर्तामोड नगरपालिका वडा नं। ५ की ४४ वर्षीया मदिना खातुनको डेंगी सङ्क्रमणबाट मृत्यु भएको थियो ।
जिल्ला स्वास्थ्य कार्यालय झापाले दुई दिनअघि जारी गरेको तथ्याङ्कमा जिल्लामा २३८ जना डेंगी रोगका संक्रमितहरु पुगेको जनाएको छ ।
