-
-
-
-
काठमाडौँ । इङ्गल्याण्ड महिला विश्वकप फुटबलको क्वार्टरफाइनलमा पुगेको छ । अष्ट्रेलियाको ब्रिसबेनमा सोमबार भएको प्रिक्वार्टरफाइनलमा नाइजेरियालाई हराउँदै इङ्गल्याण्ड अन्तिम आठमा पुगेको हो ।
खेलमा इङ्गल्याण्ड पेनाल्टी सुटआउटमा ४–२ ले विजयी भयो । यसअघि निर्धारित ९० मिनेट र थपिएको ३० मिनेटमा पनि गोल नभएपछि खेल पेनाल्टी सुटआउटमा निर्णायक बनेको हो ।
इङ्गल्याण्डकी लाउरेन जेम्सले ८७ औंँ मिनेटमा रातो कार्ड खाँदै बाहिरिँदा टिम १० जनामा समेटिएको थियो । तर ३५ मिनेट बढी समय १० जनामा मात्र सीमित हुँदा पनि इङ्गल्याण्डले गोल भने खाएन ।
