अष्ट्रेलिया विश्वकप फुटबलको सेमिफाइनलमा, फ्रान्स सडन डेथमा पराजित
हाम्रा कुरा
प्रकाशित २०८० साउन २७ शनिबार
598
Shares
काठमाडौँ । अष्ट्रेलिया महिला विश्वकप फुटबलको सेमिफाइनलमा प्रवेश गरेको छ । शनिबार भएको क्वार्टरफाइनलमा फ्रान्सलाई सडन डेथमा पराजित गर्दै आयोजक अष्ट्रेलियाले सेमिफाइनलमा स्थान बनाएको हो ।
निर्धारित ९० मिनेट र थपिएको ३० मिनेटमा पनि गोल नभएपछि खेल पेनाल्टी सुटआउटमा गएको थियो ।
पेनाल्टीमा ४–४ को बराबरी भएपछि सडन डेथमा खेल धकेलियो । सडन डेथ पनि निकै रोमाञ्चक हुँदा अन्ततः अष्ट्रेलिया ७–६ ले विजयी भयो ।
दुवैतर्फ १० जनाले पेनाल्टी प्रहार गरेका थिए । अर्को आयोजक न्यूजिल्याण्ड भने समूह चरणबाटै बाहिरिएको थियो ।
३२ टिमले सहभागीता जनाएको प्रतियोगिताको अन्तिम क्वार्टरफाइनलमा इङ्गल्याण्ड र कोलम्बिया खेल्दैछन् । यो खेलको विजेताले फाइनलमा प्रवेशका लागि अष्ट्रेलियासँग खेल्नेछ ।
पहिलो सेमिफाइनलमा स्पेन र स्वीडेन अगस्त १५ तारिखमा भिड्ने छन् ।
